Afayaivos!

Afayaivos, bienvenidos, ongi etorriak, benvinguts, benvidos, biemplegaus, welcome, bienvenu, ...!! 

Güey entama el mio blogue, el mio requexu onde falar asturianu, dalguna vegada sele ya de xemes en cuandu glayando.
Un requexu onde hai cabida pa toos ya toes, falando la llingua que más vos pete.

Yo lo fago n´asturianu, porque ye la mio llingua, esa que  me ñamoró, la que sin que naide lo ficiera a posta calaba afondu nes mios oreyes. Esos dicires del mio pá, eses correiciones al castellan de la mio má, esos festivales de cancios asturianos nel colenxu... ya más tardi la música, los fancines ya un mozu.. ajajjaja..!! Si collacios ehí ta el principiu desti amor...

Nun quiero que muerra ya nun quiero que la maten, porque por muncho que digan esta llingua ta viva!!
Vive nel coral de los que la falen, de los que la deprenden, de los que la escuchan, de los que la lleven nel nome, nel apellíu... vive equí, n´ Asturies, ya ye nuesa.. vamos soterrala??

Bones noticies...

Mundiu ablucante esti del blogguer... nun camenté que hubiera que saber tantes coses!!
Quise esplublizar una noticia que sal güey na prensa sobre "la potenciación del asturianu nes escueles", nun fui quien a facelo.. insertar codigo RSS??? 0_0 pues nun me queda ná por deprender!

http://www.lesnoticies.com/lesnoticies/noticies/gobiernu-diz-que-quier-potenciar-ense%C3%B1anza-d%27asturianu-mesmamente-n%27infantil/10310

Presta lleer una noticia asina de xemes en cuandu, aunque tando el PSOE nel Gobiernu munchu me temo que seya una vacilada más.. estos fachorros enmazcaraos de socialistes namai que faen sabotiar l´asturianu! Abondu dañu tan faciendo a la llingua esta xentuza...
Ya too lo que fizo el fartón de Tini..? mamina eso ye fastera pa un blog n´exclusiva.. menudu ensinvergoña!

Bonu, que la noticia ye per bona y nun voi estropiala con males alcordances.
Duelme munchu la tiesta... voy tomar un paracetamol que me parez que per equi nun me llee ni Cristo que lo fundó!
Salú collacios!

Fayeu Montegrande - Cascada´l Xiblu

 

Una ruta per guapa pa la seronda al trescurrir ente´l ablucante ya milenariu fayeu, enllenu collores, fauna ya flora (nos atopamos abondes freses sabaces, ¡una llambionada!).

S´atopa nel conceyu de Teberga,  na carretera al Puertu Ventana (AS-228), empasau el pueblin de Parmu, (Páramo, ya que la cabera vegada que pasamos perellí nun taba el cartelo inda camudao a la toponimia oficial.), recoyemos unos 2km, ya la mandrecha, vais atopar un cartelo indicativu y l´aparcamientu onde entama la ruta.

Nos primeros 300m tien fecho una pasarela maera, llueu ye una pista per bona pa dir coles bicis o la sillina´l ñácaru (dalguna fastera va tocavos emburriar con enfotu..) caminaos unos 3,5km aportamos a la ponte´l rigu Fundil, (equi vos fina´l camín si vais con neños q´inda nun caminen), atopamos un cruce: de siguir el senderu pa la manzorga aportais a la Cascada´l Xiblu (nuesu destin, total ida y torna 9km), pa la mandrecha ta la braña Les Navariegues ya pa baxu´l pueblu La Fociel.la..

Fabada xpress ya arroz con llechi

Nun podia aniciar esta seición con otru menu....

La fabada ya vos lo digo que ye fecha na pota expres, l´arroz con llechi  lo más cenciellu q´atopé.






 
Fabada (4 presones)
- 2 taces de fabes (si son asturianes meyor)
- 1 chorizu
- 1 morciella
- 1 truzu tocín
- media cebolla
- 1 diente d´ayu
- 1 ramina perexil
- aceite d´oliva
- sal
Ponemos les fabes a remoyu 10/12 h., escurriles, pichar el chorizu ya la morciella ya echar col restu los ingredientes pa la pota; de sal ya aceite namai una pizquina. Dexar que fierba 20/30 min. Abrir, trocear el compagu, separtar la cebolla ya el perexil... llisto pa xintar!

Arroz con llechi
- 1l. llechi
- 1 taza d´arroz
- 1 taza de zucre
- cascara de llimón
- 1/2 rama canela
- Anís
Poner a fuéu sele la llechi cola canela, la cascara´l llimón ya unes pingarates d´anís (yo échoi -Cointreau-) , dacuandu empecipie a ferbir amestar l´arroz ya cocer 20min. esmarallando bien; esmolgar la rama canela ya la cascara´l llimón, amestar el zucre ya cocer otros 15min. fasta que te cremosu, con cuiriau que nun quede abondo trupu. Dexar esfrecer y espolvoriar con canela pa sirvir.

Camín de LLaimu

Esta sedrá la primer ruta que vos voi amosar pa dir con los vuesos neños. Escueyu esta del Camín de LLaimu (Ruta del Alba) por que foi la primera que ficimos siendo pás, dacuandu Deva cumplía 3 mesinos.
Aportamos al pueblin de Sotu d´Agues (conceyu de Sobrecobiu), que tien fechu un aparcamientu per curiosu pa dexar el coche a la vera´l polideportivu.
La ruta entama pel camín xuntu al llavaderu´l pueblu, asfaltau una bona estaya pa que podais dir coles silles. Nun tien pérdida... namai caminar lo que vos pete peles foces del Rigu Alba, portareis ensin munchu enfotu fasta la Vega´l Llaimu con meses pa poder xintar. (14 km)